La messe

Date 20/03/2022

20/03/2020

Hnub no yog hnub Chiv XYA luvb caij nyob nruab xyoos

-Yuav kom lub neej nyob thaj yeeb nyab xeeb rau lub neej nyob ntiaj teb no. Hnub no tas txhua txhia txoj kev ntseeg, tsis hais txoj kev ntseeg Hauj Sam, cov Juive, txhua txhua txhia txoj kev ntseeg loj, ua muaj pab muaj pawg, muaj tus coj, hu txhua tus neeg los rau txoj keb sib hlub sib zam, txoj kev nyiam, kom sawv daws tau nyob nyab xeeb, yhaj yeeb nyob ntiaj teb no.

Tas peb tsoom neeg ntseeg txog Yes Xus, kuv tsis yog peb tib txoj kev ntseeg uas yuav hais txog txoj kev hlub, kev nyiam thiab sib zam xwb, txhua txhia tus neeg thoob tsib to nrog, txhua tus, txhua pab neeg txawj xav, sawv daws puav leej qhia kom peb leej tib neeg muab txoj kev nyiam, kev hlub, kev zam los coj nyob hauv yus lub neej.

Nyob hauv peb tsoom ntseeg txog Yes Xus, los peb yeej hais tib yam li ntawd thiab, tab sis, qhov peb hais txog yog yog Huab Tais Ntuj txoj kev hlub lub ntiaj teb neeg, xav cawm tas ib tsoom neeg sawv daws.

Hnub no, thov kom sawv daws muab txoj kev nyiam, kev hlub, thiab kev zam coj los tso rau hauv peb lub siab, Thov kom Huab Tais Tswv Ntuj ua kom txoj kev nyiam, kev hlub thiab kev txawj zam ciaj nyob hauv peb, los coj peb lub neej, ua ib lub neej kom xis peb tus Huab Tais Tswv Ntuj lub siab.

Thaj Txi Ntuj

Seigneur, j’ai mis mon espoir en ta miséricorde : mon cœur a exulte dans ton salut ! Je chanterai le Seigneur pour le bien qu’il ma fait

PEB RAU SIAB HLA. – ZNQ 94
Txais: Peb rau siab hla toj roob hauv pes mus pem Vaj Tswv lub nras tshav ziab.

1 Nej tuaj peb sawv daws muaj lus zoo siab cav txog Vaj Tswv yog lub tsua cawm peb.
2 Peb mus cuag Vaj Tswv, peb tshuab qeej ntaus nruas ua nws tsaug cav txoj nws.

Txais:Peb rau siab hla . . .

3 Tswv Ntuj yog tus Huab Tais Loj, yog tus Vaj siab dua tas txhia tus dab, cov hauv dej hauv hav nyob hauv nws xib teg, cov hauv toj hauv pes yog nws li.
4 Lub hiav txwv yog nws li, yog nws tsim; lub ntiaj teb cov av yog nws ob txhais tes puab.

Txais:Peb rau siab hla .. .

5 Nej chaws los nyob hauv nws tsev; peb sawv daws hwm nws, peb txhos caug pe tus Huab Tais tsim peb los.
6 Nws yog peb tus Tswv, peb yog nws pab yaj nws txhais tes hwj.

Txais: Peb rau siab hla . . .

LC -Nej muaj lub txiaj ntsim thiab txoj kev kaj lug tuaj ntawm peb Txiv Tswv Ntuj thiab ntawm Huab Tais Yes Xus Pleev tuaj.

LC -Peb cav lus zoo txog Tswv Ntuj, peb tus Huab Tais Yes Xus Pleev leej Txiv.

XH -Kuv lees txhaum

SD -ntawm Tswv Ntuj muaj hwj huam, ntawm tsoom kwv tij sawv daws; kuv lub siab xav txhaum, kuv lub ncauj hais txhaum, kuv lub cev ua txhaum,

li ntawd, kuv vam txog Nkauj Ntshiab Mab Liab, cov dab ntuj, cov Leej Ntshiab, thiab tsoom kwv tij sawv daws pabthov Huab Tais Tswv Ntuj rau kuv.

XH -Thov kom Tswv Ntuj hlub peb, daws peb cov txhaum thiab coj peb mus txog txoj sia nyob mus li.

SD-Ua li.

XH -Huab Tais, koj khuv leej yuad !

SD -Huab Tais, koj khuv leej yuad !

XH -Leej Pleev, koj khuv leej yuad !

SD-Leej Pleev, koj khuv leej yuad !

XH -Huab Tais, koj khuv leej yuad !

SD-Huab Tais, koj khuv leej yuad !

XH -Nyob pem ntuj,

1. -Tswv Ntuj nto meej nto moo, -nyob yaj ceeb, cov neeg siab dawb siab huv nyob kaj lug. -Huab Tais ua tswv sim ceeb, peb cav lus zoo txog koj. -Vaj kav lub ntuj, peb hawm koj. -Huab Tais Leej Txiv muaj hwj huam, peb nco koj txiaj ntsha txiaj ntsim. – Huab Tais Yes Xus Pleev, Huab Tais Leej Tub twm zeej, Yaj txi Tswv Ntuj,-koj yog tus daws qab ntuj neeg txhaum, thov koj hlub peb. -Koj yog tus zaum ntawm Leej Txiv sab xis, thov koj txais peb lo lus vam txog koj. -Yes Xus Pleev, koj tib leeg nrog Leej Ntuj Plig ua tus HuabTais Ntshiab, -koj tib leeg yog tus Tswv Ntuj nyob siab tau Leej Txiv lubhwj chim. Ua Li

Tsab ntawv ib

ZAJ NYEEM IB.
1 XAS MUAS 26.

LUB NTSIAB LUS : Tus vaj Das Vis siab zoo, nws tsis tua tus xav muab nws tua
Yog piv txwv qhia peb tias peb yuav zam rau cov yeeb ncuab.

COV LUS NYOB HAUV NTAWV XAS MUAS.

2 Xas Ws sawv kev mus nram lub hav suab puam Xis Fes. Peb txhiab leej tub rog His Xas Lais zoo tshaj cov nrog Xas Ws mus caum Dis Vis nyob hauv lub hav suab puam Xis Fes.
7 Das Vis thiab As Npis Sais nkawd maub mus soj Xas Ws pab tub rog Nkawd mus pom Xas Ws pw tsaug zog nyob hauv nws lub yeej, nws rab hmuv txhos hauv av ze ntawm nws. Cov tub rog pw ncig Xas Ws.
8.  AS Npis Sais hais rau Das Vis tias : « Hnub no, Tswv Ntuj tso koj tus yeeb ncuab tuaj thawj koj tes. Cia kuv mus muab nws rab hmuv rov nkaug nws rau hauv av.
Kuv nkaug ib teg xwb txaus lawm, tsis tas kuv yuav nkaug ob teg ! »
9. Das Vis hais rau As Npis Sais tias :
« Koj tsis txhob tua Xas Ws ! Leej twg tau tua Tswv Ntuj tus Pleev, nws yuav nyob tsis raug txim puas tau ? »
12 Das Vis mus ze ntawm Xas Ws taw,
nws nthos Xas Ws rab hmuv thiab lub plhuaj taub.
Ces nkawd khiav, tsis muaj leej twg pom nkawd.
Sawv daws tsaug zog tas, tsis muaj ob tug tsim dheev los.
13 Das Vis hla hav dej mus sab tim ub, ntawm ncov roob nrug deb ntawm Xas WS.
22 Das Vis qw hu Xas Ws tias :
« Tus Vaj rab hmuv nyob ntawm no ! Koj tso koj ib tug tub txib hla hav dej tuaj nqa mus mas !
23 Cia Tswv Ntuj txiav txim rau nyias raws li nyias lub siab ncaj siab ncees zoo.
Hnub no, Tswv Ntuj muab koj rau hauv kuv tes,
tiam sis kuv tsis kam tsa tes tua koj, Tswv Ntuj tus Pleev ! »

YOG TSWV NTUJ LO LUS.

SD -Nws lub txiaj ntsim.

2 TSWV NTUJ HLUB COV NEEG NCO NTSOOV. ■ ZNQ 102-2
Txais: Tswv Ntuj hlub cov neeg nco ntsoov tias lawv tau nrog nws cog lus.

1 Huab Tais hlub cov neeg hwm nws puav tam li leej txiv hlub nws tej tub ki.
2 Nws paub tias nws muab dab tsi los tsim peb, nws nco ntsoov tias peb yog av luaj.

Txais: Tswv Ntuj hlub cov neeg . . .

3 Yus sim neej zoo li tus nroj tawg paj, cua tshuab paj zeeg tshaws tas.
4 Tus neeg txoj sia tu lawm, tas zej zog tsis nco txog nws li.

Txais: Tswv Ntuj hlub cov neeg . . .

5 Tas Huab Tais tsoom tub txib tub txuas, nej ywj nws lub siab ua mog.
6 Tas txhia yam Huab Tais tsim los, nej cav lus zoo txog nws; kuv tus plig, koj cav lus
zoo txog nws mog.

Txais: Tswv Ntuj hlub cov neeg . . .

ZAJ NYEEM OB. 1 KOS LIS NTHOS 15 : 45-49

LUB NTSIAB LUS : Peb sawy daws yug los ua ntiaj teb tug.Tab sis peb yuav hnav
tus neeg tuaj qaum ntuj tuaj.

COV LUS PAJ LUG SAU TUAJ RAU COV NTSEEG NYOB KOS LIS NTHOS.

45 Muaj lus sau tseg hais tias : « Thawj tus neeg yog As Das. Thaum Ntuj tsim nws mas nws yog ib lub cev ciaj. » Hos tus As Das tuaj tom qab yog Yes Xus, yog ib lub tswv yim pub txoj sia.

46 Tab sis tsis yog sab tswv yim xub tawm tuaj rau pom. Yog sab nqaij xub tawm tuaj, ces sab tswv yim mam tawm tuaj tom qab.
47 Thawj tus neeg uas nws tuaj ntawm av tuaj, nws yog ntiaj teb tug. Tus neeg tuaj tom qab nws nyob pem qaum ntuj tuaj.
48 As Das yog ib tug tuaj ntawm av tuaj, mas peb cov neeg kuj yog ntiaj teb tug. Leej Pleev yog tuaj qaum ntuj tuaj. Mas peb kuj yuav yog Tswv Ntuj tug thiab. Vund LET Vild veuy
49 Peb xub tau hnav ntiaj teb tus duab, mas peb kuj yuav hnav sab qaum ntuj tus duab thiab.

YOG TSWV NTUJ LO LUS.

SD -Nws lub txiaj ntsim.

Sawv daws sawv

3 KUV COV YAJ MLOOG KUV LUB SUAB.
XH. As les lus yas,
SD. kuv cov yaj mloog kuv lub suab, kuv paub kuv cov yaj, kuv cov yaj paub kuv,
lawv raws li nraim kuv duab.
As les lus yas.
Kuv cov yaj mloog kuv lo lus, kuv paub kuv cov yaj, kuv cov yaj paub kuv,
lawv raws li nraim kuv mus,
As les lus yas

NTAWV MOO ZOO.                  -LUS KAS 6: 27-38. 0dou
LUB NTSIAB LUS : Tab yog cov neeg ua phem rau peb mas peb yuav ua zoo rau lawv. Yog txoj kev xis Tswv Ntuj siab. Yog ixoj kev hu Tswv Ntuj cov txiaj ntsim tuaj txog peb.

Yuav pib twm ntawv moo zoo

LC-Huab Tais Ntuj nrog nej nyob.

SD-Huab Tais Ntuj nrog koj nyob.

LC -Nej mloog ib zag nyob hauv N… Ntawv Moo Zoo.

SD -Huab Tais, peb cav txog koj lub koob meej.

COV LUS NYOB HAUV LUS KAS NTAWV MOO ZOO.

27 Cov neeg mloog kuv ntawm no, kuv hais rau nej tias : « Nej nyiam nej cov yeeb ncuab mog ! Nej ua zoo rau cov neeg ntxub nej.
28 Nej foom lus zoo rau cov neeg tsawm nej, nej thov Ntuj rau cov neeg hiam nej.

29 Ib tug neeg ib ncuav pias rau koj ib sab plhu, mas koj tig lwm sab rau nws. Ib tug neeg chua koj lub tsho tshaj sab,
koj txhob nrog nws txeeb koj lub tsho khuam.

30 Tus twg thov koj, mas koj pub rau nws. Ib tug txeeb tau tej yam ntawm koj lub cuab tam, mas koj txhob thov kom nws xa rov qab.
31 Nej xav kom tsoom sid ua zoo li cas rau nej mas nej kuj yuav ua zoo li cas rau tsoom sid.

32 Yog nej nyiam cov neeg nyiam nej, mas lawv yuav nco nej txiaj ntsim zoo li cas ? Tab yog cov neeg txhaum lawv kuj rov nyiam cov neeg nyiam lawy. Ái.
33 Yog nej ua zoo rau cov neeg nyiam nej, mas lawv yuav nco nej txiaj ntsim zoo li cas ? Tab yog cov neeg txhaum lawv kuj ua zoo li ntawd.

Twm ntawv moo zoo tas

1. -Huab Tais Pleev,
2. -lub qab ntuj neeg cav txog koj.

1. -Kuv ntseeg txog Huab Tais Ntuj,
2. – yog tus txiv muaj hwj huam tas nrho, yog tus tsim ntuj tsim teb. Kuv ntseeg txog Yes Xus yog Huab Tais Ntuj tus tub twm zeej, yog peb tus Vaj Pleev, yog Ntuj Plig ua nkauj tsim txiaj Mab Liab xeeb Yes Xus. Thaum Pis Las Tos ua nom, luag muab Yes Xus khi ntaus ntsia saum ntoo cuam. Tuag tas los lawm, Yes Xus tus plig mus txog teb chaws tsaus ntuj. Peb hnub los lawm, Yes Xus sawv rov los, thiab nws nce pem ntuj mus zaum ze Huab Tais Ntuj yog tus Txiv muaj hwj huam tas nrho nws phab xis. Yes Xus tseem yuav nqes rov los txiav txim rau ib zeej tsoom neeg ciaj neeg tuag. Kuv ntseeg txog Ntuj Plig, ntseeg txog Tsoom Zoo cia rau tas teb chaws, ntseeg Ntuj cov me nyuam ua ke faib Ntuj txiaj ntsim, ntseeg yuav daws txhaum tau, ntseeg neeg lub cev yuav ciaj rov los muaj Ntuj txoj sia nyob mus li. Ua li.

Zaj thov Ntuj

Txais : Peb thov kom Huab Tais Leej Txiv siab zoo

Bénie le Seigneur, o mon âme, Bénie son nom très Saint, tout mon être . Bénie le Seigneur, o mon âme, n’oublie aucun de ses bieb fait

Peb cav lus zoo txog peb tus Huab Tais Tswv Ntuj mog, kuv tus plig koj cav lus zoo txog nws mog, peb yuav nco ntsoov txhua yam zoo uas peb tus Huab Tais tau pub rau peb.

Txais : Peb thov kom Huab Tais Leej Txiv siab zoo

Car il pardonne toutes tes offenses et te guérit de toute maladie, il réclame ta vie à la tombe et couronne d’amour et de tendresse

Vim nws zam txhua txoj kev txhaum ua koj tau ua tsis ntxim nws lub siab rau koj, nws yog tus cawm koj hauv qhov tuag los, nws yog tus muab kev hlub kev zoo rau,koj ntoo.

Txais : Peb thov kom Huab Tais Leej Txiv siab zoo

Le Seigneur est tendresse et pitié, lent à la colère et plein d’amour: il n’agit pas en nous selon nos fautes, ne nous rend selon nos offenses.

Peb tus Huab Tais Tswv Ntuj yog tus siab zoo thiab muaj txoj kev hlub, nws tsis npau taws sais, nws muaj txoj kev hlub puv npo, nws tsis rau txim rau peb rau peb raws peb txoj kev txhaum, nws zam rau peb ntau zau ua peb coj tsis ntxim nws lub siab.

Txais : Peb thov kom Huab Tais Leej Txiv siab zoo

aussi loin qu’est l’orient de l’ocident, il met loin de nous nos péchés, comme la tendresse du père por ses fils, la tendresse du Seigneur pour qui le craint.

peb tus Huab Tais Tswv Ntuj muab peb cov txhaum txav mus deb ntawm peb npaum sab hnub tuaj mus rau sab hnub poob, nws txoj kev hlub zoo li leej txiv hlub nws tej tub ki, loj tshaj ua tau txaus rhiab tiag.

Txais : Peb thov kom Huab Tais Leej Txiv siab zoo

Thaum cev mov cev cawv:

4 TSWV NTUJ TSIM PEB LOS UA NEEG.

Txais: Tswv Ntuj tsim peb los ua neeg, tau nrog luag noj sib luag hnav sib npaug,
peb zoo siab hlo cev peb lub neej lub siab los nrog Yes Xus txi Ntuj ua Huab Tais tsaug.

1. Huab Tais, tas txhia tsav puas yam, huab cua tsiaj txhu qoob loo yog koj feem koj li;
koj tso plhuav tuaj ntawm peb ntiag ua peb tug, peb nqa tes txaum yim luag lis ntxhi yuas !

2. Huab Tais, peb kev kawm, qhia, tsim, tawg paj txi txiv vim muaj koj nres koj kav.
Koj cov ntxhais txib tub txuas ntaus tswv yim daws kev nyuaj ntxhov kom thim, peb ua ntaj teg
tuaj hawm koj luag lis nyav yuas.

3. Huab Tais, koj tso koj Leej Tub tuaj nyob yaj ceeb no, nws raug kev iab kev puas, vim nws yuav
siab mloog koj lus. Koj pab nyuj nees nuam zoo siab hlo txais koj nra mloog koj hu yuas.

Txais: Tswv Ntuj tsim peb los ua neeg, tau nrog luag noj sib luag hnav sib npaug,
peb zoo siab hlo cev peb lub neej lub siab los nrog Yes Xus txi Ntuj ua Huab Tais tsaug.

 

LC -Kwv tij sawv daws, nej thov kom peb Txiv Tswv Ntuj pom zoo txais peb thaj txi Ntuj.

SD -Yog thaj tshaj Tswv Ntuj lub koob meej thiab cawm lub ntiaj teb neeg.

LC -Huab Tais Ntuj nrog nej nyob.

SD -Huab Tais Ntuj nrog koj nyob.

LC -Peb tsa peb lub siab nyob ze Huab Tais.

SD -Peb lub siab yuj plaws rau Huab Tais.

LC -Peb cav txog peb tus Huab Tais Tswv Ntuj mog.

SD-Tsim nyog peb yuav ua nws tsaug.

XH -Faj tim Huab Tais Ntshiab,

SD -Tswv Ntuj kav tsoom hnub qub, -koj nto koob meej puv lub ntuj lub teb, -koj muaj txoj sia mus li nyob txheej ntuj saud. -Tus tuaj ntawm Huab Tais xub ntiag tuaj nto moo lug, -nws muaj txoj sia mus li nyob txheej ntuj saud.

LC -Txoj kev ntseeg lub hauv paus hauv ntsis:

SD -Huab Tais Yes Xus Pleev, peb tshaj koj txoj kev tuag, peb zeem tseeb tias koj sawv rov los, peb tos ntshis txog koj yuav rov tuaj.

LC -Leej Txiv Tswv Ntuj muaj hwj huam,

SD. -yog vim Leej Pleev, yog nrog Leej Pleev, yog nyob hauv Leej Pleev, koj thiaj mog Leej Tswv Yim Ntshiab muaj koob meej nto moo lug mus txog txhiab niag tim puas xyoo. Ua li.

LC – Peb Txiv nyob saum ntuj,

SD -koj muaj koob meej nto moo lug mus li, koj hwj huam los txog, peb xav mloog koj lus nyob ntiaj teb no zoo li nyob saum ntuj. Hnub no koj muab mov txaus pub peb noj ; koj zam rau peb zoo li peb zam rau luag. Thaum dab phem tuaj ntxias pebsiab, koj txhob tso peb tseg, ua kom peb dim ntawm tus phem. Ua li.

LC …….. vim peb tso siab tos txog hnub tus cawm peb, Yes Xus pleev, rov tuaj.

SD -Kev ua vaj, kev muaj hwj huam, kev nto koob meej yog koj tug mus tas ib txhiab ib txhis.

LC -Tswv Ntuj ua nej siab kaj lug.

SD -Tswv Ntuj ua koj siab kaj lug.

XH -Yaj Txi Tswv Ntuj,

SD -Yaj ris qab ntuj neeg txhaum, koj hlub peb cov neeg txhaum. Yaj Txi Tswv Ntuj, Yaj tuag kom qab ntuj neeg ciaj, koj tuaj yug peb txoj sia. Yaj Txi Tswv Ntuj, Yaj uas koj lub cev yog zoo tshuaj, koj tuaj ua peb lub siab kaj lug.

LC -Cov uas Tswv Ntuj caw lawv tuaj noj Leej Yaj rooj qav, lawv txoj hmoov zoo. Nej ntsia tus Yaj Txi Tswv Ntuj, nej ntsia tus ris qab ntuj neeg cov txhaum.

SD – Huab Tais, kuv tsis tsim nyog txais koj tuaj nyob hauv kuv vaj tsev, -thov koj hais ib lo lus mas kuv lub siab yuav zoo hlo.

thaum txais Y.X. lub cev

KUV TUS PLIG CAV TXOG
1. Kuv tus plig çav txog Huab Tais Ntuj lub hwj chim,

SD – kuv lub tswv yim hom khaj nyob hauv Tswv Ntuj uas nws cawm kuv.
2. Kuv tus Huab Tais nws ntsia txog nws tus ntxhais tsis muaj tsim ; txij no mus lub qab ntuj neeg yuav hais tias kuv txoj hmoov zoo.
3 Tus muaj hwj huam tas nrho nws ua tej yam loj rau kuv, nws lub npe ntshiab.
4 Huab Tais Lub siab hlub cov neeg hwm Ntuj, Huab Tais hlub lawv txog txhiab niag tim puas xyoo.
5 Huab Tais muab nws lub hwj huam rau sawv daws pom.
6 Cov neeg uas lawv lub siab muab hlob, Huab Tais ntaus lawv kom lawv tawg;
7 cov neeg zaum ua vaj, Huab Tais ua kom lawv nqes ntawm lâwv lub rooj zaum;
8 cov neeg me, Huâb Tais tsa lawv nyob qhov chaw siab;
9 cov neeg uas lawv tshaib plab, Huab Tais ua kom lawv muaj;
10 cov neeg uas lawv muaj, Huab Tais ntiab lawv kom rov qab mus lawv txhais tes qhuav.
11 Huab Tais tuaj pab nws tus tub His Xas Lais; Huab Tais nco ntsoov txog Huab Tais lub siab zoo.
12 Huab Tais nco ntsoov txog lo lus uas nws hais rau Has Nplas, Huab Tais nco ntsoov txog lo lus.uas nws hais rau peb lub keeb.
13. Huâb Tais Leej Txiv, Huab Tais Leej Tub, Huab Tais Leej Ntuj Plig muaj koob meej nto moo lug,
lub zim txwv no mus txog fab lwm txheej xws li txheej lâus thaud los. Ua li.

LC-Huab Tais Leej Txiv, Huab Tais Leej Tub, Huab Tais Leej Ntuj Plig tso ib lo lus foom hmoov zoo nqes los rau saum nej.

SD -Uali.

LC -Nej rov mus, Yes Xus nrog nej nyob ua nej siab kaj lug.

SD -Peb ua Ntuj tsaug

Xaus lub Txoos

6  POJ HUAB TAIS.
Poj Huab Tais, koj ua niam hlub peb, koj nres peb txoj sia, koj ua peb lub neej tsim txiaj,
koj ua peb lub siab tus. Peb tuaj xyuas koj.
Es Vas tej me nyuam khuam ntiaj teb no, Es Vas tej me nyuam poob nram hav puv kua
muag no, Es Vas tej me nyuam kho siab tas nrho tuaj seev ntawm koj.
Aib ! Niam pab peb puag saum ntuj, koj dauv ntsej muag los ntsia peb; thaum txog
peb lub caij khuam ntiaj teb no tas lawd, koj muab koj plab lub txiv tsim txiaj Yes Xus rau
peb xyuas.
Aib ! Niam txawj zam txhaum, Niam txawj hlub neeg, Mab Liab, Nkauj tsim txiaj zoo
nyiam.