LUB TXOOS TXI NTUJ
Niaj hnub no nyob hauv lub teb chaws Autriche, muaj 1 300 000 leej neeg ntseeg kav tos liv sib sau niaj hnub chiv los cav Txog Huab Tais Ntuj. Tas txhia yam kev sib txoos zoo li kev mus xyuas xyam, kev mus xyuas ncaws pob, los mus xyuas yees siv, los yog lwm yam ntxiv, cov sib txoos mus teev Ntuj hnub chiv yog cov coob tshaj txhua yam. Tus hais qhov no tawm yog Adolf Holl. Yav dhau los tseem muaj coob tshaj no thiab, tej zaud yav tom ntej ntshai haj tseem yuav muaj tsawg dua thiab. Tab sis yog ib yam uas dhau los txhua tiam tas tsoom ntseeg yeej ib txwm sib sau txhua hnub chiv, ib txhia kuj niaj hnub, sib txoos los teev Ntuj, ua lub thaj txi Ntuj. Rau tsoom sid zeem meej tias yog cov neeg ntseeg. Yog zoo li Pline sau ntawv rau tus Huab Tais Trajan (qib 112) « ib cov neeg coob coob nyob hauv lawv, yeej ib txwm, muaj ib hnub twg, sib sau thaum sawv ntxov los hu nkauj cav txog Yes Xus Pleev, uas yog lawv tus Huab Tais. » lub Koom Txoos, ib txwm thaum pib los yog ib pab ua Teev Ntuj, txi Ntuj.
Lo lus txi Ntuj, (lus Fab kis, liturgie), (Grec, Leiturgia), thaum pib yog txhais tias « ua tsoom sid tus tub txib, pab yus cov neeg kom tau raws li txoj kev ntshaw ». (cf, 2 Co 9, 12), thiab yog « tsoom sid tej qav tej num, kev coj noj coj ua coj los ces rau Huab Tais Ntuj ( cf. Ac 13, 2). Hos cov neeg ntseeg txog Ntuj, lawv ntsia qhov no yog ib yam Ntuj pub rau lawv, rau cov neeg ua tseem coj qub kev cai, lawv saib qhov no yog ib yam nco Ntuj cov txiaj ntsim, uas yog qhov yus rov pauj rau Ntuj, vim Ntuj tau mloog yus tej kev teev hawm thiab lus thov Ntuj.
Tsis yog peb ua kom txoj kev txi Ntuj muaj nqes, kev txi Ntuj muaj nqe, thiab tseem ceeb yog tuaj ntawm Leej Pleev tuaj, nws yog yam muab txi rau Ntuj kiag, yog tus txi Ntuj loj nyob txheej siab uas peb cev rau Ntuj. Ntawm peb mas nws yog tus leg Ntuj tej hauj lwm tiav hlo, yog txoj kev txhiv ntiaj teb neeg thiab cav txog Ntuj lub Hwj Huam (CEC. 1067). Leej Pleev kev txi Ntuj loj tshaj plaws yog qhov nws ua paj tshab nws txoj sia, nws cev nws txoj sia rau Huab Tais Leej Txiv nyob saum ntoo cuam kom xwv thiaj tau txhiv lub ntiaj teb neeg.
Kev txhiv lub ntiaj teb neeg ntawm kev txhaum, yog txhua txhua txhia zaus uas nws sawv rov los koom nrog peb txi Ntuj. Qhov tseeb tiag yog nyob hauv lub cim yug uas yog nws lub cev, Leej Pleev nws rov cev lub cev rau Huab Tais Leej Txiv, nws lub cev uas yog lub Koom Txoos.
Kev teev hawm Tswv Ntuj tsis yog lub koom txoos hauj lwm xwb, tseem tshuav kev tshaj Ntuj lus, kev pab luag tej, kev teev Ntuj ntawm yus tus kheej, kev cev yus tej hauj lwm yus lub neej rau Ntuj, kev coj lub neej ua tim khawv kom phim li ib tus neeg ntseeg, tas txhia yam no yog lub zog nyob hauv lub Koom Txoos, yog nrog tas ib tsoom neeg ntseeg sawv daws. Tab txawm li cas los lub ncov hauv kev txi Ntuj los xaus rau lub Koom Txoos lub txoos kev txi Ntuj. Vim li no, leej ntshiab Benoit thiaj sau ib tug txhooj li no tias : tsis txhob xaiv nyiam ib txoj kev teev Ntuj xwb, muaj tej zaud txoj kev mus pab ib tug neeg ua raug kev txom nyem, nws tseem zoo dua li koj mus koom nrog sawv daws txoos ua lub thaj txi Ntuj (CEC 347).
Kev hlub luag thiab kev teev hawm Huab Tais Ntuj mus ua ke, li ntawd lub koom txoos pom tias : lub txoos txi Ntuj yog chaw txhawv kev txhawb nqa kom kub siab thiab tuaj zog tas mus li. Vim li no, tsim nyog peb yuav muab lub txoos txi Ntuj saib rau lub sam xeeb.
Yeej pom tau tias tsoom ntseeg sib sau coob los teev hawm Huab Tais Ntuj nyob rau qhov chaw uas lub koom txoos ua lub txoos txi Ntuj phim thiab tsim nyog nrog rau kev sib nyiam sib lub.
Lub txoos txi Ntuj yog zoo li lub qhov txhawv cov dej muaj Leej Pleev txoj sia tuaj pub rau peb haus tsis so.
Huab Tais Leej Txiv yog chaw txhawv kev txi Ntuj
Tas txhia yam paj tshab, txiaj ntsim zoo yog nqe saum Ntuj los, tawm ntawm Huab Tais Leej Txiv txoj kev kaj nrig los, ntawm Huab Tais Leej Txiv yeej tsis muaj ib yam dab tsi yuav hloov, tsis muaj ib qho yuav tsaus los txawv txav li cas.
Txoj kev txi Ntuj, raws li tau pom los, ua ntej tas txhua yam, yog tawm ntwm Huab Tais Ntuj los pub rau leej tib neeg. Peb kev teev hawm Huab Tais Ntuj, los lub txoos txi Ntuj, txoos teev Ntuj yog kev pauj Huab Tais Ntuj lub txiaj ntsim xwb.
