KOJ LUB SIAB ZOO , HUAB TAIS KOJ ZAM RAU KUV. -ZNQ 50
Txais:-Koj lub siab zoo, Huab Tais koj zam rau kuv,
-koj lub siab hlub neeg, Huab Tais koj so kuv cov txhaum.
1.- Kuv ua txhaum rau koj ib leeg xwb,
muaj tej yam koj ntsia yog tsis zoo, kuv twb ua lawm.
2. -Kuv paub kuv cov txhaum, kuv tsis zais, kuv cia li lees;
-kuv cov txhaum nyob ntawm kuv xub ntiag tsis tseg.
Txais:Koj lub siab zoo . . .
4. -Koj ntsia, txij thaum kuv niam xeeb kuv los kuv siab dub,
-koj saib, txij thaum kuv yug los kuv muai txim.
5.- Koj ntxuav kuv kom kuv dawb dua daus,
-koj muab koj cov dej los yaug kuv kom kuv ntshiab tuaj.
Txais:Koj lub siab zoo . . .
6. -Kuv lub siab ntxhov hnyo, kuv cov pob txha ntsoog lis ntxaws;
-koj hais tej lo lus zoo rau kuv, kuv lub siab yuav kaj.
7. -Huab Tais, koj tsis txhob ntiab kuv mus deb ntawm koj xub ntiag.
-Koj tsim ib lub siab huv lis si los cog rau kuv.
Txais:Koj lub siab zoo . . .
8. -Koj cawm kuv mas kuv rov paub txoj kev lom zem;
-koj pub ib lub siab loj rau kuv mas kuv rov paub txoj kev kaj tug-.
9. -Kuv yuav qhia koj txoj kev zam rau cov neeg txhaum ;
-cov neeg yuam kev yuav rov qab los cuag koj.
Txais:Koj lub siab zoo . . .
10.-Kuv muab yam twg txi koj los tsis xis koj lub siab ;
-kuv hlawv yam twg rau koj los koj tsis yeem yuav.
11.-Koj tsis luag ib tug neeg kho siab, koj tsis thuam ib tug neeg lwj plawv,
-qhov kuv yuav txi rau koj yog kuv lub plab plaw lwj.
Txais:Koj lub siab zoo . ..
